凯悦酒家 (已結業)

元旦放假，一于同老人家饮下茶，话晒都系新年，肯定温间好少少架啦。虽然去到唔使等位，但都有九成几上座率。脆皮奶酥卷，即系炸奶卷，脆皮薄得黎好松脆，里面的奶卷好香滑，而且唔会太甜。蒸萝卜糕，的馅料多过的粉浆罗，所以比较稀，觉得好似吃紧萝卜糊既感觉。蒸排骨，一般都会将的金瓜或者芋头垫底，但呢间店竟然同排骨排排坐，味道不过不失啦。燕麦脆皮花素肠，原先的肠粉皮加左的燕麦，觉得几健康既，不过可惜因为里面包住的油炸鬼，感觉上会少油腻罗，而且距话系素肠，但我竟然吃到有少少肉码系里面。紫薯奶香猪仔包，一上黎见到个猪仔造型就已经好钟意，里面满满既紫薯馅，吃落香滑唔腻，正。海胆芋饼，系炸芋饼里面加左的海胆，虽然份量唔系好多，但使到的味道丰富左好多，口感都唔错。荔湾艇仔粥，的粥料都几丰富。蛋挞，虽然的酥皮唔系好多层，但都几新鲜。因为系节假日，所以要加收10%既服务费，但又送番的现金券同礼品兑换券，即系一条数。