椿庐ChunLounge (前海壹方汇)

營業中

休息中

今次去咗食黑珍珠入圍餐廳，餐廳主打川味融合菜，以川菜變化出各種創新菜式。裝潢融入咗東方美學設計，走高格調路線，環境舒適雅致，設有多間包間及提供佈置服務，好適合家庭聚餐或朋友慶祝。滋味豆腐豆腐炸到金黃香脆，醬汁帶微辣，食落好惹味。椒麻豉油雞雞肉十分滑嫩，豉油味道濃郁，好有驚喜。有機蕃茄煨牛坑腩牛坑腩同有機小番茄用慢火細煨，炆得好軟腍入味，醬汁酸酸甜甜，越食越開胃。豆花水煮魚魚肉口感嫩滑，豆花豆味濃郁，入口順滑，辣度適中，下飯一流！雲南小菇炒幼瓜/炒西蘭花小菇炒幼瓜口感清爽，西蘭花新鮮爽脆，可以解解油膩感。清波擔擔麵麵條爽口，撈埋担担麵醬汁，食到停唔到口。四季花饌四季花饌賣相精緻，百合泥口感綿密，甜而不膩。