除深圳外，福田區都好多美食，有朋友介紹去福田卓越Intown中心嗰度食嘢，好多人氣食店如海底撈、喜茶、汕頭八合里海記牛肉店等，都是大多數香港人北上尋找美食原因之一。其實我之前都有到過卓越Intown中心，但我係去呢度負一層，之前有個大鋪位，網民叫這裏做日本街，裏面有幾間不同類型的日本餐廳，這條日本街仲有好多打卡位，更可以租借和服穿著住拍照，但今次再到訪，除了大門口左邊的鴻運打邊爐沒有變之外，右邊的日本街已經全部變成了中式餐廳，有冰室、粥底火鍋、牛肉店、食神叉燒、海鮮小廚等。一行入去直望見到有間好似冰室嘅餐廳，設計都好懷舊，叫做「蘭香冰室」，見到個餐牌全部都是港式懷舊茶餐廳食物，見到餐牌介紹冰冰原味凍奶茶，不知是甚麼來頭，由於早前曾替過金茶王香港區初賽做過評判，所以最近見到某餐廳有奶茶推介的都想試試。基本上每天在香港都最少食一次常餐的公仔麵，這裹的常餐是用出前一丁，看起來很高檔喎，我點了常餐F，煎鷄扒撈出前一丁(¥38)，配香濃芝士汁或香辣黑椒汁及配冰室飲品(凍飲加¥2)，另外原來常餐加¥4可以轉冰冰原味凍奶茶(原價¥20)，再點了一客三餐三蛋飯(¥30)及麻辣鷄煲(¥98，配時菜、支竹)，還想再叫時店員話會食唔完，不夠飽先再點。煎鷄扒撈出前一丁配香辣黑椒汁，香辣黑椒汁不算太辣，非常惹味，配上彈牙的出前一丁，真是爽YY，鷄扒外皮煎得夠香口，鷄扒肉夠嫩滑，最貼心是廚房已經將鷄扒切件，同行之女性朋友都可以好方便地進食。加了¥4轉冰冰原味凍奶茶，看看是甚麼？上枱時有一個小木盤，上面放了一樽已冰凍了的奶茶及一個透明玻璃杯，見到裹面有4-5粒啡色的冰粒，原來是用奶茶做的冰粒，將樽內的奶茶倒進有奶茶冰的杯，再喝一口，是香港口味的香滑奶茶但偏甜，是要適應中國人口味？奶茶冰溶後都一樣是奶茶，所以味道沒有變淡。三餐三蛋飯，單看賣相已經有90分，三隻太陽蛋煎得好靚，其實中國人不喜歡食太生的蛋(如果有機會去冰室/茶餐廳去點滑蛋就知道)，所以這裏的廚房可以煎到這種效果，老闆一定花了很多心機，午餐肉是厚切的，外面煎得香脆，內裏熱透心，將太陽蛋汁撈落白飯及秘製豉油，再加一啖厚切午餐肉一齊食，好味。店員將麻辣鷄煲放上迷你卡式汽體爐，都幾大煲，還配一碟生菜及一碟支竹，滾起時已聞到麻香味，鷄件幾嫩滑，辣味未算太出，另外洋蔥、芫荽吸收了麻辣汁的味道，惹味非常，撈白飯食一流，再滾了一會時，越食越麻辣，鷄件、生菜及支竹已完全吸收了麻辣汁的味道了。真的非常飽，但同行女性朋友話要點「西多士系列」的紅豆夾心西多士(¥22)作甜品，西多士煎得金黃色，上面已見到紅豆蓉，之後一切開又見到西多士裏面有流心紅豆，西多士煎包身算軟熟，連紅豆蓉食不會太甜，合格。…查看更多
