interment的個人專頁

今次又去試另外一間脆肉鯇🐟呢間湯底，第一次見鴛鴦鍋係唔洗加錢，同埋係有湯渣食，將魚柳同腩骨拎左去熬湯，唔似其他脆鯇店剩係得湯水。✨老壇酸菜鍋拼鮮魚湯鍋✨脆肉鯇無骨魚片✨酸辣爽脆魚皮✨黑豬肉小籠包✨手打蟹籽魚滑✨嫩滑魚腐呢間脆肉鯇切得比較薄，用冰鎮上台，一路有冰凍住，時間耐左都唔怕唔新鮮，口感都彈牙，係個魚片比較遜色，唔入味又無口感，服務一流。整體都算幾抵食，份量都足，呢個係二人餐黎，不過我一個人食。…查看更多

呢間店以提供乾式熟成的豬肉聞名，招牌菜包括熟成豬肉拼盤、菠蘿罐橫膈膜、烤鰻魚、熔岩雞蛋糕和韓式炸醬麵等。 熟成豬肉是透過在冷藏環境下，讓豬肉透過酵素作用分解蛋白質，使肉質變得更軟嫩、多汁、鮮甜的豬肉。 豬肉的熟成時間大約是3到5天，而熟成後能讓肉質口感升級，更適合燒烤或煎烤。環境裝潢有特色，專人代烤，讓顧客可以專心享用美食。✨東洞熟成五花肉✨調味雪花牛小排✨厚切鹽蔥牛舌✨拉絲土豆培根餅✨奶奶家年糕魚餅✨泡菜炒飯✨焦糖紅薯山楂碗…查看更多

呢間嘅妙齡乳鴿比起另外一間要排幾粒鐘隊嘅，好食好多。紅燒乳鴿外皮酥脆，鮮嫩入味，裡面好多汁，都可以話爆汁，鹽焗就鹹香啲，肉質再嫩啲，個飯都比另外一間好太多，起碼有味先，我自己就中意鹽焗多啲。✨爆汁紅燒鴿✨客家鹽焗鴿✨京蔥啫啫肥牛煲✨乾巴菌鴿飯✨薑蔥牛柏葉✨荷塘秀色✨菠菜涼粉呢間算比較近羅湖，附近都多食肆，不過呢間我就mark左係to eat list好耐，今日難得有機會經過，就試呢間，同朋友一致認為呢間乳鴿又好味又抵食👍…查看更多

中山 - 週末自駕遊🚗作為脆肉鯇控，今次特登黎到脆肉鯇之鄉中山，呢間已經超過20年，得獎無數，排隊嘅人由門口排到去店入面，停車場泊滿曬車，我地已經係特登等開門時間早左黎，都係得返一個車位。✨新鮮脆肉鯇魚片✨中山脆魚腩✨椒鹽魚骨✨魚腸炒飯✨脆肉鯇魚丸✨紅燒乳鴿✨芫茜豆腐魚骨湯魚片/魚骨/魚腩/魚柳，可以自己選擇唔同煮法，例如煎焗，沙姜，XO醬爆，鼓汁蒸，蒜香炒，茶葉炒等。魚片同腩我地選擇左生上，魚片食過最爽口彈牙嘅一次，真正0骨，成碟份量好多，一條骨都食唔到，好啱怕食魚有骨嘅人，唯一唔太中意係魚片搵生油掃左面。魚湯好足料，剩係飲曬煲湯都好飽，但味道淡左少少，自己落返啲鹽之後，味道就即刻出曬黎。呢間乳鴿就無咁出色，皮係脆，內裡都多汁，不過比起洲際酒店都係稍微遜色。第一次食魚係會食飽，個魚腸飯基本上無咩點郁過，如果多人，可以試埋果木燒鵝。推介，翻兜之選👍…查看更多

第四次黎了，洲際酒店超高質點心4粒鐘任食，連埋服務費，茶芥，都係每人¥218，對戰鬥力高嘅人黎講，真係放開曬個胃同銀包，唔洗就住就住，飽到一個點。✨潮州鹹菜拌海蜇✨黑松露拌繡球菌✨外婆家醉魚✨麻辣無骨土雞腳✨玻璃乳鴿✨無花果豬肉湯✨紫蘇豉汁炒花甲✨蔥油唐生菜✨白灼寧夏菜心✨柱侯醬皇蒸鳳爪✨金蒜豉汁蒸肉排✨沙爹醬金錢肚✨潮州菜脯和牛腸粉✨家燒老豆腐✨芥末一口蝦球✨鮮蝦雲吞麵✨芝麻流沙煎堆✨榴槤焦糖布丁✨紅豆沙黑芝麻湯丸✨楊枝甘露除左個醉魚似鯖魚口感，其本上無咩伏野，大推玻璃乳鴿，比中山石岐嘅仲好食，皮脆肉嫩多汁，翻兜左幾隻，其次係個流沙煎堆，裡面係好少見嘅流沙奶黃鹹蛋，仲有老火湯。感謝服務員Nina，Nancy，Eleven和Ana的用心服務。唯一要挑剔缺點就係地點太偏僻，唔就腳。推介👍👍👍…查看更多