Wildchildcarol的個人專頁

幾時都話睇食評要睇臭味相投嘅人先有參考價值，否則好似我咁，伏到啪啪聲呢間泰子妃評價唔錯，啲人又話正宗又話乜乜，所以我都記低左要去試。餐廳位於寶能allcity商場，都幾近深圳灣口岸，該商場仲有喜茶、鮮芋仙等我好鐘意嘅食店。店內位置闊落，仲有室外座位，當然熱屎辣辣咪搞我。裝潢富泰式風，燈光稍暗。餐牌款式多，一般要食嘅泰菜都有，仲有意粉、披薩等，除左咖喱、海鮮類平少少，其他定價接近香港。另有兩款二人餐、兩款四人餐，人均RMB¥160-200。但入座時並未有供應套餐餐牌，係我地臨走見到隔離枱有先知有套餐，唔太老實。招牌冬蔭公湯 RMB¥68/小冬蔭公湯用瓦煲、蠟燭仔保溫，愈煲味道愈濃郁。有兩隻蝦、金菇、香茅等一般材料，份量適中，約分到4碗仔。酸辣都突出而平衡，蝦肉爽口。係全晚唯一我認為合格嘅菜式炸蝦餅 RMB¥52/4件蝦餅逐件收費，兩件起，人少都唔怕食唔哂。雖有蝦肉味道，但並冇起膠，食落鬆拋拋零嚼頭，好似我啲byebye肉咁炭燒4頭大元貝  RMB¥38/2隻可配蒜香或泰妃汁燒，見個名好似幾勁料，又4頭又120g隻，味道中規中矩，元貝都算爽口，蒜蓉過多，唔苦但鹹。價錢太貴，性價比低。泰式飛天通菜 RMB¥32貫徹國內炒菜風格，油膩感重，一般食開都係以辣子、豆醬炒，呢度嘅通菜食落唔辣唔惹味不特止，仲係帶甜…酸辣鳳爪 RMB¥38賣相正常，酸味太嗆，辣味欠奉，而且價錢唔平軟殼蟹牛油果米紙 RMB¥32全晚最伏一定係呢份米紙，圖片賣相幾吸引，所以我地先會點。米紙呈乳白色而非半透明狀，厚到好似A4白紙兼木乃伊。裡面有大量菜絲、蘿蔔絲、牛油果，軟殼蟹又腍又厚粉，出左咩事？食落又乾又冇鹽冇味健康水4號 RMB¥38健康水指嘅係detox water，共有4款，主要分別在配料有香橙、士多啤梨、奇異果、菠蘿，加入檸檬、薄荷汁、礦泉水製成。我揀嘅係菠蘿，淡到冇朋友，仲要唔凍，根本就同餐廳提供嘅免費檸檬水一樣味道…茶位 RMB¥5/位本來仲點左粉絲蝦煲，原來漏左單，係全晚覺得最慶幸嘅事。埋單兩人 RMB¥308，唔貴但唔好食餐廳冷氣不足，燈光較暗，店員好似未瞓醒，食食下枱面有隻手指節大小嘅曱甴悠悠行過（我地拍死左佢）埋完單後同店員講聲，店員微微冷笑，同隻曱甴一樣悠悠行開左 (正)總結咁嘅價錢，喺香港求其一間泰菜都食到更好質素。利申：唔啱我食唔等如唔啱你食；正如啱人食唔等如啱我食一樣。餐牌：…查看更多

各位熊大嘅粉絲相信都知道，除左韓國、日本有Line Friends Cafe & Store之外，其實近近地深圳海岸城都已經有分店。5月尾有幾日連續假期，因為想去呢間Line Cafe一段時間，所以紅日當日我地就北上食野、揼骨。自問唔係熊大粉絲，但呢間Line Cafe都幾值得去呢，女孩子鐘意影下相、打卡，都應該會鐘意。如果係粉絲，就更加唔洗講啦，起碼唔洗搭飛機去韓國Line Cafe都幾大，場內場外都有好多Line擺設，好多影相位，就算唔食野，都可以入內影相或者購物餐牌選擇都算多，價格比平時大陸食野點都高少少，始終係主題餐廳。但比起香港嘅主題餐廳，其實已經唔算特別貴，而且味道比想像中好。供應有輕食、甜品、沙律、熱狗 (RMB¥30) 、披薩 (RMB¥55)、意粉、飯、小食等。平日黎仲有午餐、下午茶，可惜當日係週六~餐廳採用自助形式，客人喺收銀處點單，牌子振動後自行取餐，自行搵位。不過並唔係個個入黎都會食野，加上位置不少，其實都唔需要特別等候或者排隊。海鮮蕃茄意麵  RMB¥58意粉份量唔算多，一人剛好，裡面有兩隻蝦、青口，配上半塊印有熊大臉嘅麵包。意粉掛滿醬汁，較為粗身，煮得略腍，蕃茄醬味道香濃，唔會太酸，蝦、青口不過不失啦，食落唔臭唔霉。麵包烘過，唔係平日食嘅多士，偏硬身，咬落「確確聲」。甜品方面一律供應3款造型，分別係熊大、莎莉、兔兔，韓國基本上都係呢啲款式，如果約多幾個朋友黎，可以試多幾款呢！布丁奶凍 RMB¥48揀左兔兔造型，代表草莓口味。奶凍都幾大件，而且真係幾可愛嘅，少女上身。底層係蛋糕，濕濕笠笠，中間係草莓醬夾心，味道唔明顯，酸酸甜甜。奶凍較挺身，有別於平時香港嘅布丁/奶凍，有慕絲口感，食完會有飽滯感。好好食就真係稱唔上，但唔係伏鮮奶冰淇淋 RMB¥23文案話係來自韓國，真正嘅鮮奶冰淇淋，我揀嘅係熊大杯。呢杯實物並冇圖片睇起上黎咁堅挺，但味道好接近。雪糕溶點非常低，影相要快，食落奶味香濃，質地唔係好滑身嗰種，面頭有一塊小曲奇，整體係幾好食奶蓋伯爵茶  (忘記實際價錢，大約係RMB¥32)奶蓋滑身，伯爵茶味道突出，個人認為味道不錯。奶油布丁 RMB¥28草莓酸奶杯 RMB¥25奶油布丁面頭一層焦糖漿，甜度超高而且布丁質地較實，奶味唔重，味道一般加上樽口頗深，用即棄匙更唔太方便食用。酸奶杯相對甜度低點，但都唔好食得去邊，類似美心出嗰啲布丁杯。草莓醬酸都眼都打唔開，酸奶質地似慕絲，混合食可以接受，裡頭加有草莓粒，幾新鮮。以主題餐廳而言，食物都合格，相對平時國內消費，呢度頗高，要食飽飽嘅話人均過百，不過作為老左嘅少女，黎到都好開心，不停影相…查看更多

好耐冇北上食飯，月底趁住有端午節假期，上黎揼骨同埋食飯，因為喺皇崗呢邊按摩，所以喺番附近食晚飯就算。黎到大陸食野，好多時都會想選擇番啲香港食唔到嘅風味，尤其是湖南菜、四川菜，就硬係覺得國內食到嘅較好食。最終揀左喺附近嘅一品紅，都幾出名，好多深圳或者香港人都識啦，間中都要排隊等位。當日8點鐘左右到，好彩有張枱唔需要等候。菜式以辣為主，但我地就唔算係特別食得辣嘅人，所以就點番一貫食開嘅菜式。秘製口水雞 RMB50/半隻口水雞唔會太辣，帶少少麻香，雞肉嫩滑，份量都足半隻，兩個人足夠有餘。蒜香拍青瓜 RMB20拍青瓜嘅味道其實同口水雞差唔多，青瓜食落新鮮脆口，份量多得驚人，如果喺香港食，以呢個價錢可以分4碟賣俾你。老家咸燒白 RMB38今晚黎呢度食都係為左佢！咸燒白食落有啲似梅菜扣肉，實際用上係四川芽菜，唔會太鹹，而且較幼細。燒白睇落都幾肥，入口並唔會有油膩感，因為油份已經逼哂出黎。當然，都唔建議食過量。干煸四季豆 RMB29喺國內先食到呢種味道嘅四季豆！炒得夠乾身少鹹，花椒香味十足，食落麻味剛好。四川回鍋肉 RMB35回鍋肉普普通通，食落較油膩，唔係好夠辣。個人認為以上點嘅幾款菜式都唔係太辣，唔知有否遷就客人口味所致。價錢就唔係特別貴，點左幾樣野埋單連服務費二百零蚊人民幣。茶位費 RMB2白飯 RMB3王老吉 RMB8雪碧 RMB6…查看更多

因為喺美食街裡面食到嗰間酸辣粉比較普通，吊住條癮，所以接連食埋呢間八哥酸辣粉。小食店人氣不一般，每次黎到都人頭湧湧店面唔大 而且冇室內位置，只有門外幾張長木櫈，衛生一般啦。不過呢度五、六年前黎過，算係個人回憶。酸辣粉 ¥10先買飛，再取酸辣粉，呢間明顯比美食街嗰間好食:)酸辣粉煙韌得黎唔會腍滋滋，有嚼頭但唔會咬唔斷，花生、榨菜絲、香菜以十蚊碗黎講都算大方，肉碎就當然無影無蹤。辣度適中，帶麻偏酸，重口味是常識。雖然我唔會玩命去飲湯底，但連食兩碗酸辣粉， 足以令個胃火辣辣！…查看更多

這家分店就在口岸附近，晚上十點半還沒關門，趕得及。位置很多，光猛乾淨！先下單，牌子振動後取餐。看到店家的介紹，是兩個來自台中豐原的人開設，主要是出品芋圓、仙草、豆花等甜品，強調不添加防腐劑，新鮮現做。 鮮芋仙招牌 RMB¥22招牌包括仙草凍、仙草冰沙、芋圓仙草味道香濃，帶點清幽，完全不是涼粉的死甜口感超滑溜，可按個人喜好再加入鮮奶油。我這碗芋圓有10粒，地瓜圓有5粒，芋圓味道不是很突出，但口感Q彈，有韌性，不會死實實，好吃！芋圓4號 RMB¥20 芋圓共有5款，分別在配料，有綠豆/粉粿/紅豆/珍珠/花生/薏仁/地瓜/花豆等，定價全部一樣，甜品一律可以加錢要其他配料。選的4號有芋頭、紅豆、珍珠，份量不少，抵食墊底的是碎冰，加了黑糖漿，不會太甜，清爽！芋頭鬆軟不至於太粉，珍珠很彈牙。招牌杏仁燒 RMB¥22 (+¥3芋圓)杏仁燒有湯圓、紅豆、粉粿、珍珠、杏仁角，我們再加了芋圓。賣相沒有很吸引，因為配料都被芋圓覆蓋了。可是杏仁很香滑，配料也可很好吃，特別是粉粿，爽口！  不過相對仙草、芋圓較失色。鮮芋仙的份量頗多，性價比高，最重要是符合我們口味，不會過甜餐牌：…查看更多

四月初同幾位朋友去左澳門+珠海兩日一夜，今次選擇住珠海。我地上、下午都留左喺澳門玩，到旁晚時份先番去珠海check in、晚飯。休息左一陣之後，我地就出發去灣仔海鮮街食晚飯。因為上次黎灣仔海鮮街已經係幾年前嘅事，印象深刻，記得好似三聖村咁，一條街賣海鮮，旁邊都係食店，自來海鮮加工。我仲記得食左好平！事隔幾年再黎，好失望，唔會再黎本來都滿心歡喜，但行左三轉都冇乜買到啲乜海鮮，我覺得呢度食海鮮仲貴過喺深圳、羅湖食好多。最終我地買左一共 280RMB，有。利申：我地並冇講價講得好誇張當買好海鮮後，就直接喺附近揀一檔食店去加工，食店選擇好多，我地冇乜頭緒，盡量揀啲人多嘅（冇人幫襯肯定有原因）最後揀左呢間行得比較尾嘅川林海鮮酒家，幾大間，未坐滿但有唔少客人。聽人講話呢條街嘅食店加工費間間都差唔多，我地問左三間，確係唔差好遠。白灼花竹蝦（加工 5RMB/一斤內）白灼冇難度，所以只係收幾蚊加工費。竹蝦雖然size唔係好大隻，但肉質會比較爽口。豉椒炒花甲（加工 28RMB/2斤內）呢款花甲王個殼就幾大隻，但唔係好有肉地，幸好冇乜沙。不過50蚊兩斤…算啦。豉椒炒都係冇難度，唔會難食沙姜炒八爪魚 （加工 28RMB/斤半內）未試過呢種煮法食魷魚，味道唔錯！我諗呢間食店炒野比較拿手啲魷魚炒到出黎就唔係話好多，但都好爽口、彈牙。蒜蓉粉絲蒸扇貝 （加工 25RMB/10隻）極大量蒜蓉，好似唔洗錢咁…粉絲都唔係值錢野，所以都幾多。可惜上碟冇加豉油，帶唔到鮮味，只係食到蒜味…扇貝蒸得有少少過火，帶韌清蒸水蛋 28RMB我梗係唔會話你知我除左係雞翼控，仲係水蛋控啦。為左要撈幾碗飯，點左碟水蛋。話說我冇喺國內食到過唔好食嘅蒸水蛋…今次食到喇蛋蒸得老得滯，雖然裡面都夠滑，最致命係…完全冇味，又冇蛋味，又冇豉油味…白切雞 48RMB/半隻雞比較瘦，肉唔多。咸蛋肉片芥菜湯 32RMB我諗有9成嘅國內餐廳煲呢煲湯都可以好飲過佢…咸蛋影都唔見，肉片鞋到乜咁。蒜蓉炒菜心 32RMB呢個喺大陸食碟炒菜，算貴架喇，蒜蓉炒咋。油菜油菜，菜就油左少少，過得去啦…其他收費：大可樂 15RMB/枝白飯 2RMB/碗餐具 1RMB/位茶位 2RMB/位最終埋單95折後 263RMB，連埋海鮮除番開每位港幣百二蚊左右，係唔貴，但冇食到邊樣比較突出嘅野。至於海鮮街，我地都唔會再黎嚕，同幾年前黎，感覺爭好遠（唔知係咪嗰次我食午飯呢…）…查看更多