太湖海鲜酒家 (已結業)

周末假期最悠闲嘅莫过于日上三竿去饮翻餐茶，坐低叹杯茶吃几件点心。西湖路光明广场楼上嘅太湖分两层，8楼吃饭9楼饮茶，吃饭嘅话有几种套餐选择，几抵吃添！而饮茶方面价格都相对合理，比幸运楼便，坐得都舒服，而且多位，选岩时间避免搭台添~萝卜牛腩：味道过重，而且萝卜未够入味，牛腩就焖得几冧。裹蒸粽：只头始终唔算好大，入边几多绿豆，仲有一大块肥猪肉添粉菓：蒸点味道清淡，馅料爽脆料多，皮滑有弹性。呢树嘅粉果真系够足料，花生粉葛红萝卜肉碎等配搭，真系几正。凤爪陈村粉：陈村粉爽滑弹牙，不过稍油多咗D，配搭凤爪性价比几高。濑粉：配料干萝卜咸菜粒冬菇丝几足，加上濑粉又粉又韧，确实几招牌。早茶吃唔到，午茶黎翻个确实唔错~一盅两件嘅文化应该要推广。