雍和酒家 (西华路)

营业中

休息中

同屋企人过来食饭，因为系星期日中午，所以都几多人，好彩提前订左位，去到无几耐就见到好多人系外面等位啦，真系好生意。订左张大台，一共十二个人去嘅，呢度都系中餐为主，一至五有特价嘅乳鸽同汤，不过以前特价乳鸽先13.8元一只，依家好似已经升到18蚊啦，物价上涨真可怕。我地都系点D一般菜式，呢度以粤菜为主，适合老人家，点左一只白切鸡、一碟虾、一碟果汁猪扒、半只烧鹅、一碟炒菜心、一碟斋菜，因为系伯父点菜，所以无睇价钱啦，不过应该比以前贵左D架啦。我最中意嘅系虾，虽然唔系好大只，不过D味道几鲜甜，就咁食，无加任何酱油好正咯。