Item: 水立方国际水疗会
Rating: 3
Author: 奧志雷

奧志雷

等级3

2016-06-15

係東方園嘈左好耐，我地成班朋友仔已經訂東方園包房 4 點，準時到達但居然比左其他客，我地仲要係常客經常黎幫襯。大陸人做野離晒譜架 ﹗跟住仲話比間 3 人房我地坐住先，我地 10 個企係度定坐地下呀？真係痴孖筋架 ﹗搞到我地勁徬徨，好夜喇，都唔知邊度有房容立我地。之後問金冠同東方棕泉都無晒位，勁灰 ﹗最終走到水立方落腳。

嘩，搞到晨早 6 點先入到水立方包房，天光喇 ﹗只係剩返 VIP 房，有卡拉 OK、有麻將，但按摩要另外轉房。眾朋友已經非常火滾，唔理咩房都好，是但啦 ﹗

黎到水立方好肚餓喇，大家叫野食，安撫一下激動既情緒 ﹗雖然已經將近朝早 7 點，大家唔理咁多，剛剛先到步，玩左先講啦 ﹗朋友們各自找娛槳，猜梅既猜梅、唱 k 既唱 k、打雀既打雀。我唔想打麻將架，櫈住腳乍，已經好睏又眼瞓，只係想拿拿聲食飽去按摩休息。

水煮牛肉，我一向都唔食芽菜或大豆芽，不過依種大豆芽非常索汁，吸汁力強勁，夠晒辣好刺激呀 ﹗我都忍唔住要大注大注咁塞入口，爽脆多汁，越辣越惹味 ﹗綑住嫩牛肉一齊食，味道及質感就更加豐富。展兄話要想食刺激野，出身汗舒服下，就叫勁辣川菜啦 ﹗

辣子雞，雞件碎上炸得完全透徹，骨都炸到乾爽脆卜卜，可以連骨都吞埋架。骨頭黏著少許雞肉勁脆，咬到咯咯聲好過癮 ﹗雞碎已吸收晒辣椒既辣味，夠辣又夠香，搭上大紅袍乾辣椒掉入口，別有一番風味 ﹗慢慢趙、慢慢細味，辣味慢慢滲透甜頭、口腔直達腸胃，繼而運行全身 ﹗冒汗了，爽呀 ﹗

台灣燉肉，好奇地叫黎試試。咩黎架？似乎係劣版梅菜扣肉喎。嘩，又油又肥又膩，根本無做足步驟，有無炆過蒸過扣過架？只係一舊肥豬肉淋左大量梅菜豉油汁係面，賣相差又只得咸味，救命。

豉汁蒸鳳爪，味道正常不過，厚厚的豉汁芡包得鳯爪緊緊，甜味較出，豆豉味輕而不濁，皮爽肉嫩，合格。

生煎包，我係食肉獸，包甚少食。見外觀咁靚仔，破例試一個啦。味道還可以，豬肉餡偏少，包佔左 3 份 2 有多，咬到好中間先食到豬肉，搞到口感好乾。

黑椒牛仔骨，依個堅正喎 ﹗黑椒味道夠濃郁又夠辣，牛仔骨肉吸實厚厚黑椒汁，味香濃。牛味帶微羶而乾滑有點咬口，只係個芡汁有點太杰啫。

牛腩湯米線，米線口感出乎意料幾好喎，因我又係唔太喜歡食米線的呢。米線質地滑溜嚥韌噃，無話腍劈劈，但湯底淡如水，好采還有豆瓣醬吊吊味。牛腩似肉碎，乾乾鞋鞋，算罷啦。

咕嚕生炒骨，粉多過肉，厚厚的保護，不太食得香甜豬肉。味道酸酸甜甜而低沉，整體都麻麻地，免強接受。

錦鏽湯麵，我覺得只不過係雪菜炸菜肉絲湯麵，何來錦鏽呢？顏色又暗淡又單調，提不起食慾。湯底依舊淡如水，又係辣椒醬、豆瓣醬表演既時候喇。大陸麵條依舊係超級腍劈劈，無牙都食到。

啫啫芥蘭煲，簡簡單單清清地幾好食，翠綠芥蘭片多汁爽甜，脆卜卜完全無渣，好好味。豉汁蒸排骨，都過得去，半肥瘦又不太多肥膏，肉味香甜，肉質結實，一試無妨。

干蒸燒賣，依個夠晒堅喇 ﹗我咁大個人從來未食過芫茜味燒賣，我仲成粒啪左入口，即刻反胃吐都吐唔切 ﹗芫茜味強勁到不能想像 ﹗大家主攻質數比較好的生炒骨、牛腩湯米線、雪菜肉絲湯麵、生煎飽、豉汁蒸鳳爪、黑椒牛仔骨，勁食密密食 ﹗其他就唔多受歡迎喇。

依間 KTV 房比東方園細一半有多，而且設備都較少，連按摩椅都無。食飽無耐間房已變成停屍間，屍橫遍野。下午五點幾終於走得，埋單出去試新野，唔知團長帶我去那裡品嚐美食呢？