影片
更多
2013-11-28
20 瀏覽
位置都几偏远，位于穗盐路口，往南海方向一过葵逢桥即可睇见佢地嘅招牌坐地铁1号线到花地湾站B出口出来后往回走百几米到公车站坐565路车2个站穗盐路即到门口停咗好多车，睇来都有好多有车一族捧场一入去就见到店家嘅白板宣言同菜式推介，唔知比日本人睇到会点呢由于当晚落雨所以好多露天位冇办法坐，入去见到有好多人问紧部长攞位想过来吃嘢最好提前预定啦，好彩我地有庄主提前一个月就预留咗“得福”大房比试吃专用间房够晒大，容纳20人一齐用餐都冇问题，有兴趣嘅鞋童可以约一大班朋友过来呢度 餐前小吃分量好大，听其它同学讲都几好味，我就冇吃到留力吃主菜必点招牌菜"佛跳墙"两大煲，人未到齐就已经先上，我就叫服务员唔好咁快上菜服务员话先摆上枱，等人齐先开火，都系甘样吃嘅，原来如此第一次来唔知规矩庄主介绍"佛跳墙"系嘅汤底系要煲4个钟以上然后先放料入去煲大概一个钟就可以上枱由于庄主介绍材料实在太快，我只系记得几样包括 花胶、水鱼、鲍鱼、老鸡、雪耳、白贝等。。。材料实在太多记唔到庄主原话：无论你系性格唔好、脾气唔好、心情唔好、吃完之后都会心平气好开心好愉悦，女士饮完皮肤会靓，今晚饮完听日起床都唔洗化妆。。。庄主仲咗好多功
坐地铁1号线到花地湾站B出口出来后往回走百几米到公车站坐565路车2个站穗盐路即到
门口停咗好多车，睇来都有好多有车一族捧场
一入去就见到店家嘅白板宣言同菜式推介，唔知比日本人睇到会点呢由于当晚落雨所以好多露天位冇办法坐，入去见到有好多人问紧部长攞位
想过来吃嘢最好提前预定啦，好彩我地有庄主提前一个月就预留咗“得福”大房比试吃专用
间房够晒大，容纳20人一齐用餐都冇问题，有兴趣嘅鞋童可以约一大班朋友过来呢度
餐前小吃分量好大，听其它同学讲都几好味，我就冇吃到留力吃主菜
必点招牌菜"佛跳墙"两大煲，人未到齐就已经先上，我就叫服务员唔好咁快上菜服务员话先摆上枱，等人齐先开火，都系甘样吃嘅，原来如此第一次来唔知规矩
庄主介绍"佛跳墙"系嘅汤底系要煲4个钟以上然后先放料入去煲大概一个钟就可以上枱
由于庄主介绍材料实在太快，我只系记得几样包括 花胶、水鱼、鲍鱼、老鸡、雪耳、白贝等。。。材料实在太多记唔到
庄主原话：无论你系性格唔好、脾气唔好、心情唔好、吃完之后都会心平气好开心好愉悦，女士饮完皮肤会靓，今晚饮完听日起床都唔洗化妆。。。庄主仲咗好多功效都唔记得咗，总之来呢度唔点呢个汤就认真笨！"佛跳墙"中午搞特价198元/煲，夜晚就要328元/煲
汤系奶白色饮落口香滑鲜美，真系一试难忘，鸡肉煲完汤都好嫩滑，我连汤带渣一共饮咗4碗
可惜一煲汤只有4只鲍鱼，我想稳只来吃都冇
庄主话可以根据客人需要来配料，你想放干鲍都冇问题只要提前打电话预约，当然价钱肯定会贵D
盐焗水律蛇 368元/斤
当晚张单写住4斤2两，总共1545元，系成晚最贵嘅一道菜，个人和W同学都觉得价钱有D水份，不过唔洗比钱就算啦
蛇身够晒大禄，真系啖啖肉呀！入面放咗沙姜同蒜吃落非常香口，价钱咁贵自己埋单就唔推荐点呢个菜了，庄主都话基本上都系请客吃饭先有人点呢个菜
盐焗鸽皇 35元/只招牌菜之一，除咗盐焗嘅香味外口感个人认为比较一般，可能口味唔岩我啦
盐焗夜游鹤 128元/只庄主话吃完呢个菜夜晚话好精神，我吃咗两件，翻到去成晚训唔着，拍失眠嘅同学慎吃呀！
香煎牛仔骨 58元个人认为当晚比较好吃嘅菜之一，虽然卖相比较差但系胜在味道搭救，外脆里嫩非常值得一试嘅一道菜。因为人数太多嘅关系，有部分同学未吃到呢个菜，带队嘅永怡要求庄主上多一小份比大家试吓，庄主爽快答应上多一个例牌，等其他人都吃过后我忍不住又吃多一件，实在太满足了
砂锅焖黄牛肉 88元呢嘅都系最好吃嘅菜之一，牛肉嫩滑之余仲焖到非常入味，而且有唔少牛筋我都唔记得吃咗几多件了
龙牙豆酱爆眼睛螺 58元第一次吃眼睛螺，吃唔出同其他螺有咩唔同，就系体积比较细，龙牙豆反而几好味
煎焗鱼头 42元轮到我已经清盘，听讲话都几好味，手慢D都冇呀！
煎酿尖椒 28元
个人唔吃得辣，为有让比其他同学啦！
生炒菜心 28元
菜有D老而且仲吃到几条苦嘅，好一般
红焖马岗鹅 268元肉质都几结实，味道就偏咸，呢个菜最迟先上，基本上冇点吃大部分比几个同学打包回家了
叉烧包 20元/打包都几松软，可惜馅料比较一般，大部分都系比大家打包了
三丝炒陈村粉 20元
好大一碟炒陈村粉，粉质唔错够薄够E韧，味道偏淡，可能系盐焗嘢吃太多嘅后果
最后附上菜单，一共3261大元，人均200左右，如果唔点水率蛇，人均100左右就OK了!
缺点：1、员工培训不到位，在装汤时庄主睇到服务员只装汤就提醒叫汤同渣一起装，点知个服务员都仲系坚持要先装汤饮，最后要庄主解释要汤同渣一起装先好佢先照做。明显事前冇培训过啦！
2、人手不足上菜太慢，庄主自己都知人手不足，但系上菜速度就真系要跟进了，当晚最后加嘅香煎牛仔骨系庄主亲自点菜同催单都要半个钟先上来，呢嘅速度真系无语了！
3、当晚房间入面嘅蚊超多，服务员点咗几个蚊香效果都唔大，怕蚊咬嘅人记得要全副武装先好过来。
总体来讲悦容庄我打80分，趁咗而家有团购一于约班朋友过来试吓佛跳墙先，悦容庄I will be back!
張貼
