水沐莲清 (已結業)

见到D评论话呢间食店煮嘅餸都係以茶嘅特色为主，店面装修都好古代化，碰巧係大众网见到有68蚊嘅代金券就去试试~！嚟到门口已经感受到好有清朝古代，连招牌嘅字写得都好有文艺，再行入去已经觉得自己翻咗古代咁...咨客带领下就坐，嗯...环境真係唔错好舒服，服务等都几好，所有嘢都以古装化~！要左花雕鲜露焗乳鸽、普洱茶寄生肉排煲、仲有普洱炒饭，点心要咗金屋藏娇、莲藕酥、水沐莲花酥。点心係按位上。首先上普洱炒饭，味道唔错，食到有茶嘅香味。然后花雕鲜露焗乳鸽，乳鸽肉好滑，好香花雕味，食完唔知会唔会醉呢，哈哈...普洱茶寄生肉排煲都非常好食，好重药材味，同肉骨茶有少少似，但比肉骨茶多咗桑寄生嘅味道，好香排骨好嫩滑，而且份量好足够。点心全部係炸酥类，好味道，幸好按位数上，唔係嘅话食得多会有D漏。